خليك واثق في نفسك

عمرك حسيت انك اقل من غيرك...عمرك حسييت انك مش

راضي عن نفسك..مش راضي عن قدراتك..مش راضي عن

فكرك...
حاسس انه اصحابك اذكى منك وفاهمين الحياة اكتر وانت مجرد

مراقب مقلد وعمال بتحاول تجري باقصى سرعة عشان تلحقهم
وتبقى زيهم...خليني اقولك انك عمرك ما هتكون زيهم لانك مش
هما انت نفسك

لازم تحب نفسك وتثق فيها وتبقى على يقين انه ربنا خلقك بقدرات مش عند غيرك..

وطول ما انت ماشي في ظلال غيرك عمرها ما هتبان عشان كده
بقولك متستخباش واطلع وبان وواجه الدنيا ومتخافش فانت
اكيد اكيد مميز

خليك واثق في نفسك 122718380

اول حاجة تبدا بيها لازم تعرف نفسك ايوه تعرف نفسك بدل ما
انت عمال تعرف الناس التانية وتعرف شخصياتهم ونسيت نفسك
لغايت لما اختفت جواك وبقت مش عارفة تطلع..

اعرف انت بتحب ايه وبتكره ايه وبلاش تحب اللي بيحبه غيرك
وتكره اللي بيكره..واعرف انك هتغلط بس لما تغلط متكرهش
نفسك بالعكس كمل معاها وهي تديك..

سيبك من كلام الناس عليك مش هتفرق هما بيقولوا ايه بطل
تقول لنفسك "هو انا غبي؟" "هو انا مضحك؟" "هو شكلي
وحش؟"
انت لو فكرت كده هتبقى فعلا غبي وهيبقى شكلك وحش الناس
بتتعامل مع شخصيتك..واعرف انه اللي مش عاجبه هو
الخسران هو اللي خسرك انت مخسرتش حد...فانسى كلام الناس

لازم تثق في نفسك الثقة دي هي البنزين بتاعك

انت لو مش واثق في نفسك هتكون زي عربية من غير بنزين
واقفة مكانها ومستنية حد يزقها..صدقني لو وثقت في نفسك فعلا
هتتفجر قدراتك وهتخرج من المكان المظلم اللي انت حابسه فيها

اهدا وبلاش تقلق بلاش تقلق انك ممكن تفشل بلاش تقلق انك
مش هتلاقي حد يحبك بلاش تقلق انك ممكن تخسر كل حاجة
والا فعلا هتخسر كل حاجة..

لو حصل معاك موقف بايخ بلاش تستسلم ليه اقلبه ضحك والا

هتفضل تفكر فيه طول يومك وتتمنى انك كنت مت الف مرة قبل
الموقف ده...كلنا بيحصلنا مواقف بايخة لكن لوقلقنا من انها
تحصل صدقني هتزيد اكتر واكتر

في الاخر اقولك مش معنى كل ده انك تدوس على غيرك وتدوس
على اي حد مش عاجبه شخصيتك لا والا كان كل واحد عاش
لوحده..

بالعكس اسمع واحترم واقبل النقد فانت اكيد مش كلك صح لكن
اوعى تاخد الكلام ده وتخليه طريقك وحياتك لانك مش هتقدر

واعرف برضه مش معنى انك بقيت نفسك انك مستحيل تتغير لا
لكن اتغير بطريقتك طور نفسك بطريقتك طول ما انت عارف
الصح فين والغلط فين

وبلاش تمشي على مبدا خالف تعرف مجرد تخالف لانك خايف
تخسر نفسك لا ساعات الواحد بيمشي مع الموجة عشان يكمل
بس المهم انك متخرجش عن طريقك

واعرف انك زي الزرعه هل ممكن الزرعه تعيش من غير ما مايه طبعا لا

انت كمان كده حول إنك تثبت نفسك وتنمني قدراتك وتتحدى الصعب مهما كانت

خليك واثق في نفسك 56771spx07wdn2w

خالص الأمانــــــــــــــــــــــــــي
خليك واثق في نفسك Qatarw_VocvAaZSja

*************************************************************************

الخط صغير اووووووووووووى

اه صح

طيب هحاول اكبر الخط شويه

موضوع حلو اوووووووى على فكرة

ومهم جدا

تسلم ايدك

شكرا على الرد الجميل يا ايمي